Цочир хүйтрэхийг анхаарууллаа

Зургаадугаар сарын 18-20-ныг хүртэлх цаг агаарын аюултай болон гамшигт үзэгдлийн тоймыг ЦУОШГ гаргалаа.

- 18-19-нд шилжих шөнө

Цочир хүйтрэл: Хөвсгөлийн хойд хэсэг, Завхан аймгийн нутгийн хойд болон зүүн хэсэг, Өвөрхангай аймгийн нутгийн хойд хэсгээр хөрсөнд -5 градус хүрч ЦАГ АГААРЫН ГАМШИГТ ҮЗЭГДЛИЙН хэмжээнд хүрч цочир хүйтэрсэн байна.

Хүйтэн бороо: Төв аймгийн хойд болон зүүн хэсгээр 15.0-26.0 мм бороо орж, агаарын хамгийн бага температур 0-6 градус дулаан, салхины дундаж хурд секундэд 10-16 метр, бороо 8-9 цаг үргэлжлэн хүйтэн бороо, Булган аймгийн нутгийн өмнөд хэсгээр 0-4 мм бороо орж, агаарын хамгийн бага температур 1-6 градус дулаан, салхины дундаж хурд секундэд 6-8 метр, Сэлэнгэ аймгийн нутгимйн өмнөд болон зүүн хэсгээр 19.0-21.0 мм бороо орж, агаарын хамгийн бага температур 0-6 градус дулаан, салхины дундаж хурд секундэд 10-13 метр, бороо 8-11 цаг үргэлжлэн цаг агаарын аюултай үзэгдлийн хэмжээнд хүрч хүйтэн бороо орлоо.

Хүчтэй салхи: Өвөрхангай аймгийн нутгийн төв болон зүүн хэсгээр салхины хурд секундэд 18-20 метр хүрч цаг агаарын аюултай үзэгдлийн хэмжээнд хүрсэн байна.

- 19-20-нд шилжих шөнө

Цочир хүйтрэл: Архангай аймгийн нутгийн хойд хэсгээр, Булганы өмнөд хэсгээр хөрсөнд -5 градус хүрч ЦАГ АГААРЫН ГАМШИГТ ҮЗЭГДЛИЙН хэмжээнд хүрч цочир хүйтэрсэн байна.

Хүйтэн бороо: Дорнодын хойд хэсгээр 4.0-22.0 мм бороо орж, агаарын хамгийн бага температур 4-8 градус дулаан, салхины дундаж хурд секундэд 8-17 метр, бороо 8-14 цаг үргэлжлэн хүйтэн бороо, Төв аймгийн нутгийн хойд хэсгээр 2.0-9.0 мм бороо орж, агаарын хамгийн бага температур 2-5 градус дулаан, салхины дундаж хурд секундэд 7-13 метр, хүйтэн бороо 6-10 цаг үргэлжлэн ЦАГ АГААРЫН ГАМШИГТ ҮЗЭГДЛИЙН хэмжээнд хүрч хүйтэн бороо орлоо.