Ерөнхий сайд Н.Учрал Эрүүл мэндийн сайдаараа УИХ-ын гишүүн Э.Батшугарыг нэр дэвшүүлсэн нь олон нийтийн анхаарлыг татаад байна.

  Хүний амь нас яригдах чухал салбарт мэргэжлийн бус хүн томиллоо гэх шүүмжлэл чуулганы  танхимд ч яригдлаа. Тухайлбал Д.Цогтбаатар гишүүн сайдад горилж буй хүмүүс дунд баян айлын памперснаасаа салаагүй бацаанууд байгааг эсэргүүцэн дугарлаа.

 Эзэмшсэн мэргэжлээсээ тэс өөр салбарыг удирдах үүрэг хүлээсэн сайд Э.Батшугарын хувьд “Эмч нарын цалин, эрүүл мэндийн даатгалын сан асуудалтай байгаа тул энэ бүхнийг цэгцлэхэд санхүүч, эдийн засагч хүн хэрэгтэй гэж үзэн, Ерөнхий сайд намайг Эрүүл мэндийн сайдаар ажиллах санал тавилаа” гэсэн нь хамгийн зөв сонголт байж мэдэх талтай.