Цагдаагийн байгууллагаас 2025 оны 06-р сарын 30-наас 07-р сарын 07-ны хооронд бүртгэгдсэн залилах гэмт хэргийн талаарх мэдээллийг олон нийтэд хүргэж байна.

Тус хугацаанд ЦЕГ-т нийт 29 залилах гэмт хэргийн дуудлага, мэдээлэл бүртгэгдсэн бөгөөд эдгээр хэргүүдийн улмаас нийт 216 сая төгрөгийн хохирол учирсан байна.

📌 Залилах гэмт хэргийн дийлэнх нь Телеграм орчинд үйлдэгдэж байна

Бүртгэгдсэн хэргүүдийн дотор:

• 13 хэрэг (нийт хэргүүдийн 45%) нь Телеграм мессенжер ашиглан үйлдэгдсэн
• Эдгээр хэргийн улмаас 152.7 сая төгрөгийн хохирол учирсан
• Цагдаагийн байгууллагаас шуурхай ажиллагаа явуулсны үр дүнд телеграм орчин дахь залилах гэмт хэргийн хохирлын 57 хувь болох 86.9 сая төгрөгийн хэмжээтэй хөрөнгийн шилжилт хөдөлгөөнд хязгаарлалт тогтоож, гэмт этгээдүүдийг илрүүлэх, хохирлыг бууруулах арга хэмжээ авч хэрэгжүүлээд байна.