Гал түймрийг унтраахад Онцгой байдлын байгууллагын 3000 орчим албан хаагчид нутгийн иргэдтэй хамтран сүүлийн 14 хоногийн турш тасралтгүй ажиллаж, түймрийн 80 хувийг цурамд оруулж, унтраажээ.

Засгийн газрын ээлжит бус хуралдаанаар  ой хээрийн түймрийг унтраах салхины хурд хэмжигч, Starlink төхөөрөмж, нисгэгчгүй түймэр унтраах  төхөөрөмж  авах болон шатахуун, хоол хүнсний зардалд  6 тэрбум 700 сая гаруй төгрөгийг Засгийн газрын нөөц хөрөнгөөс гаргахаар шийдвэрлэлээ.

Цаашид Онцгой байдлын гамшигтай тэмцэх чадавхжуулан бэхжүүлэхэд шаардагдах санхүүжилтийг улсын төсөвт тусгахаас гадна гадаад, дотоодын зээл тусламж, төсөл хөтөлбөрт хамруулах арга хэмжээ авахыг холбогдох сайдад даалгалаа.

Хэлж ирэх бус хийсэж ирэх аюулаас урьдчилан сэргийлж, иргэдийнхээ амь нас, эрүүл мэнд, эд хөрөнгийг хамгаалахын тулд Онцгой байдлын албыг чадавхжуулах шаардлагатай байна