БНСУ-ын нэр хүндтэй жүжигчин Song Young Kyu өнөөдөр өглөө автомашиндаа нас барсан байдалтай олджээ. Тэрээр өнгөрсөн долоодугаар сард согтуугаар тээврийн хэрэгсэл жолоодсон хэргээр прокурорын шатанд шалгагдаж байжээ.

Согтуугаар тээврийн хэрэгсэл жолоодсон гэх асуудалтай холбогдуулан яг одоо БНСУ-д гарч буй "The Defects" болон "The Winning Try" цувралаас тухайн жүжигчний тоглосон хэсгийг хасахаар болсон байжээ. Хэрвээ киноны хэсгээс хасалт хийгдвэл түүнд маш их торгууль ногдох байсан аж.

Өмнөд Солонгост нэр хүндтэй жүжигчин, дуучинд их хэмжээний төлбөр төлж кино, жүжиг, клип, зар сурталчилгаанд тоглуулдаг бөгөөд харин ёс зүй болон хуулийн зөрчил гаргавал энэхүү төлбөрийг 10-200 дахин өсгөн нэхэмжилдэг байна.

Гэтэл тэрээр прокурорт шалгагдаж байхдаа амиа хорлосон байж болзошгүй гэх мэдээлэл гараад байна.