Япон улсын Айчи-Нагоя хотод Азийн зуны спортын V пара наадам аравдугаар сарын 18-24-ний өдрүүдэд болж байна. 

Энэ удаагийн наадамд 18 спортын төрөлд 45 орны 4000 тамирчин оролцож байгаа бол манай улсаас 10 спортын төрөлд 44 тамирчин өрсөлдөж байна.

Хөнгөн атлетикийн тэмцээний эрэгтэйчүүдийн бөөрөнцөг түлхэлтийн F40 ангилалд Монгол Улсын тамирчин Г.Ган-Эрдэнэ мөнгөн медаль хүртлээ.

Эдүгээ 18 настай Г.Ган-Эрдэнэ нь 10.30 метр түлхэж тус наадамд дэд байрт орсон бол Ирак улсын тамирчин 10.78 метр түлхсэн амжилтаар түрүүлжээ.