Хужирт сумын төвөөс Улаанбаатар-Арвайхээр чиглэлийн А0301 улсын чанартай авто зам хүртэлх авто замын байгууламжийг улсын төсвийн 38.5 тэрбум төгрөгийн хөрөнгө оруулалтаар “Өндөрсант Хайрхан” ХХК гүйцэтгэж, энэ сарын 16-ны өдөр улсын комисст хүлээлгэн өгсөн байна.

Хужирт-Арвайхээрийг холбосон энэхүү авто зам ашиглалтад орсноор Хархорин, Бат-Өлзий, Хужирт сумдын иргэд төдийгүй зэргэлдээх аймгийн зорчигч, тээвэрчид саадгүй зорчих нөхцөл бүрдэж байна.

Тус авто зам нь говь, хангайн аялал жуулчлалыг холбох, бараа бүтээгдэхүүний тээврийн зардал болон хугацааг хэмнэх, ачаа эргэлтийг нэмэгдүүлж, орон нутгийн бизнесийн өсөлтөд дэмжлэг үзүүлэх зэрэг олон үр өгөөжийг үзүүлэх юм.