Энэ жил шинээр ашиглалтад орсон болон их засвар хийгдсэн сургууль, цэцэрлэг, дотуур байрын ашиглаж буй будгаас болон дотоод орчны агаараас улсын хэмжээнд сорьц авч шинжилгээ хийжээ. 

Шинжилгээний дүнгээр зарим сургууль, цэцэрлэгийн будгийн дээж болон дотоод орчноос давтан шинжилгээ авч байна.

Хэрэв хар тугалга, бензол зэрэг хорт бодисын агууламж хэмжээнээс давсан нь эцэслэн тогтоогдвол будгийг бүрэн хуулж, дахин будах арга хэмжээ авна.

Цаашид сургууль, цэцэрлэгийн их засвар, будгийн ажлыг жил бүрийн 8 дугаар сарын 1-нээс өмнө бүрэн дуусгаж байх шаардлагыг чандлан мөрдүүлэх юм байна.